புள்ளிராஜாவுக்கு மனுஷ்யபுத்திரம் வருமா?

June 3, 2018

மானஸ்தரும், புரட்சிகர நேர்மையுள்ளவரும், வெகு நியாயமாக புத்தக+கவிதை வர்த்தகங்களை, ஒருவரைக்கூட ஏமாற்றாமல் நடத்தி வந்திருப்பவருமான அப்துல் ஹமீது ஷேக் ‘மனுஷ்யபுத்திரன்’ மொஹம்மது அவர்கள் பொதுவாகவே கொஞ்சம் போராளித்தனம் மிக்கவர்; ஆனாலும் திராவிடக் கட்சியில் நிபந்தனைகளுடன் அடைக்கலம் ஆனபின், ‘ஸாரி, கொஞ்சம் ஓவரோஓவர்’ நிபந்தனைபுத்திரன் ஆகி, பின் ஒரு வழியாக நிந்தனை புத்திரனாகவே ஆகிவிட்டார்.

-0-0-0-0-0-0-

ஏதோ அசட்டுப்பிசட்டென்று போராளிக்கழுதைகளை ஓட்டி அவற்றின் கனைப்புகளைக் கவிதையாக வடித்தெடுப்பதில் விற்பன்னராகி, தமிழ் வரிகளை அடித்து உதைத்து மடக்கிப் போட்டு ஒருமாதிரி கவிதை ஷேப்புக்குக் கொண்டுவந்து – ஏதோ காலச்சுவடு உண்டு காலட்சேபம் உண்டு என இருந்த இவரை – இந்தப் பாவித் தமிழ் மக்கள் ஏகோபித்து ஆதரித்து – அதுவும் நான் மதிக்கும் எழுத்தாளரான ஜெயமோகன் உட்பட :-( என்னால் சுத்தமாக ஒப்புக்கொள்ளமுடியாதபடிக்குக் கொண்டாடி (இதற்காக, அவரை அடுத்தமுறை நேரில் சந்திக்க வாய்ப்புக் கிடைக்கும்போது மஹாசண்டை போடலாம் என்று இருக்கிறேன், பாவம் அவர்), அநியாயத்துக்குப் பரவ வைத்து விட்டனர். :-(

போதாக்குறைக்கு, காசுக்குக் குரைக்கும் ஊழலாள ஊடகப் பேடிகளும் சேர்ந்து மனுஷ்யபுத்திரக் கும்மாளம் அடித்து, இந்த மாதிரி, அந்த ஆனானப்பட்ட புள்ளிராஜாவையே, இந்தத் தீராவியாதியான மனுஷ்யபுத்திரம் பீடிக்க வைத்துவிட்டனர்.

குறிப்பு: மனுஷ்யபுத்திரம், மனுஷ்யபௌத்திரத்துக்கு மாமாபையன் மூலமாக தகாதஉறவு என விரைவீக்லி நிருபர் – சொப்பனஸ்கலிதேஸ்வர இளங்கருப்பனார் ஒரேயடியாக அடிக்கிறார்; அவருக்கு நன்றியுடன், என்னெருமை வாலிபவயோதிக 6.5 வாசக அன்பர்களுக்கு, இந்த விளக்கத்தைச் சமர்ப்பிக்கிறேன்.

-0-0-0-0-0-

மபு மப்புக் கவிதைகளை – சராசரியாக ஒரு மணிநேரத்துக்கு ஒன்று வீதம், எதற்கெடுத்தாலும் தடுக்கி விழுந்தாலும் வெறிபிடித்து- படுவேகத்தில் எழுதித் தள்ளிக்கொண்டிருந்த காலம் ஒன்றிருந்தது. (இப்போதும் அப்படியே எழுதுகிறாரோ (=பேதியில் போகிறாரோ) என்ன எழவோ – ஆனால் குறைந்த பட்சம் 1-2 வருடங்களுக்கு முன்புவரை அப்படித்தான் இருந்தார்…)

எப்படி? ஹ்ம்ம்… எடுத்துக்காட்டாக…

பல்துலக்குவதற்கு முன்னே – பின்னிரவில்

கெட்ட

கனா

அதில்

ஒரு கழுதை

அவன் பார்த்துக்கொண்டே எழுதினான்

ஒரு கவிதை

காலை, தூக்கத்திலிருந்து தெருப்பள்ளிவாசலெழுச்சி.

…பல்துலக்கிக்கொண்டே… இன்னொரு கவிதை

காலைக்கடன்

கழிப்பு

குப்பைகூளம்

கூட்டு

துடைப்பத்தால்

பெருக்கு

நாளுக்கான திட்டத்தை

வகு

இப்போதைய திட்டம்
திட்டுவது

…பின்னர் காலையில் பேப்பர்…

முரசொலி

முன்பக்கத் தலைப்புகளை
முதலில் படிப்பு
பின்பக்கங்களால் பின்
பின்பக்கத் துடைப்பு

…அதற்குப் பிறகு காலைச் சிற்றுண்டி கட்டிவரும் பொட்டலக் காகிதத்தைப் பிரித்துப் படித்து இன்னொரு கவிதை…

தூசிக் காற்றிலே

ஒரு துண்டுக்காகிதம்

பறக்கிறது

அதற்கு

இருக்கிறதா சிறகு

நீயும் பறப்பாய்

எனக்குப் பிறகு

ஏனெனில்

நீ

திராவிடத் தீக்கு
விறகு

நாட்டில் நடக்கும் துயர சம்பவங்களைப் பற்றி மணிக்கொரு மனிதவுரிமைப் போராளித்தனக் கவிதை…

ஆனால் அவை:

அழகிரிகளால்

இறந்த அல்லது கொல்லப்பட்ட

தா.கிருஷ்ணன்

பற்றி அல்ல

இசுடாலிர்களால்

இறந்த அல்லது கொல்லப்பட்ட

ரமேஷ்

பற்றி அல்ல

ராசாகனிமொழிகளால்

இறந்த அல்லது கொல்லப்பட்ட

சாதிக்பாட்சா

பற்றி அல்ல

கருணாநிதிகளால்

இறந்த அல்லது கொல்லப்பட்ட

உதயகுமார்

பற்றி அல்ல

அட்டாக்பாண்டி+அழகிரிகளால்

இறந்த அல்லது கொல்லப்பட்ட

சன்டீவி தொழிலாளர்கள்

பற்றி அல்ல

அல்லா

பற்றியும் அல்ல

ஆனால்,

அல்லக்கையான

யான் சாராத

ஆட்கள்

பிற ஆட்களைக்

கொன்று

விட்டார்களே!

அந்தோ.

ஸ்டெர்லைட் துப்பாக்கிசூடு

இறந்தவர்கள், மானுடர்கள்

பாவம் அவர்கள்

திராவிட சூது

இறந்தவர்கள், தீர்த்துக்கட்டப்படவேண்டியவர்களே

ஓழிந்தார்கள், விடுங்கள்

ஸ்டெர்லைட்டே! எங்கே மனிதவுரிமை?

காவல்துறையே! நீ எங்கே எங்கே!

மோடி மஸ்தான் எங்கே?

ரஜனியே ரஞ்சித்தே நீவிர் எங்கே??

புள்ளிராஜாவுமே, எங்கே எங்கே?

கே? நானிங்கே!

ஆகவே

பாஜக ஓழிக ஒழிகவே!

இன்ஷா அல்லாஹ்

மாஷா அல்லாஹ்

-0-0-0-0-0-

மானமிகு மபு அவர்கள் இப்போதெல்லாம் தொலைக்காட்சிச் சேனல்களின் செல்லபுத்திரன், அதன் உரத்த உளறிக்கொட்டல் உரையாடல்களில்(!) ஏகோபித்த நிரந்தர அங்கம் எனும் உலகத்தைக் குலுக்கும் அதிர்ச்சியான செய்தியை நான் அறிந்திருக்கவில்லை…

அவற்றிலும் அவர் வழமையே போல உளறிக்கொட்டி மனிதாபிமான மனிதவுரிமை பற்றியெல்லாம் – தான் கொலைகாரர்களின் சாக்கடையில் அமர்ந்துகொண்டே அவர்களுக்கு ஏகோபித்த ஆதரவு அளித்துக்கொண்டே பேசுகிறார் என நேற்றுதான் அறிந்தேன்.

றொம்ப றொம்ப சந்தோஷம். பேஷ். பேஷ்.

இத்தனை நாள் அலக்கியத்தை மட்டுமே பீடித்திருந்தது என நினைத்திருந்த இந்த மனுஷ்யபுத்திரம் வைரஸ், இப்போது அரசியலிலும் குத்தாட்டம் போடுகிறது என்பதை அறிந்தபோது விலாநோகச் சிரித்தேன்.

-0-0-0-0-0-0-

அக்கப்போர் அன்பர் ஒருவர், கீழ்கண்ட விஷயத்தை அனுப்பி வைத்திருக்கிறார். (மப்பு அவர்கள் ஃபேஸ்புக் எழவில் இப்படி எழுதியிருக்கிறாராம்)

“ரஜினி தொடர்பாக புதிய தலைமுறைக்கு நான் வழங்கிய பிரத்யேக நேர்காணல்..சமீபத்தில் நான் வழங்கிய சிறந்த நேர்காணல் இது என்ற உணர்வு மேலிடுகிறது”

(மப்பு இப்படி எழுதவில்லை என்று யாராவது சுட்டினால், என்னைத் திருத்திக்கொள்கிறேன், நன்றி. நண்பர் மேற்கண்ட மேற்கோளையும், யூட்யூப் எழவில் உள்ள அந்த ‘சிறந்த நேர்காணல்‘ உளறலுக்கான, போங்காட்டத்துக்கான சுட்டியை மட்டுமே அனுப்பியிருக்கிறார். முழுவிவரம் கேட்டதற்கு ‘ஃபேஸ்புக்கில் சேர்’ என ஒரு அறிவுரை… ஆனால் நானெல்லாம் ஃபேஸ்புக்கில் நுழைந்தால் மற்றவர்களுக்குக் காலம் விரயமாகும், ஆகவே தூரத்திலிருந்தே வாழ்த்தி வணங்கி மகிழ்வதே இப்போதைக்கு முடியும். ஆகவே.)

https://www.youtube.com/watch?v=BABTl0Qc4xo&feature=share

இதே உளறிக்கொட்டலை (+கமுக்கமாக திராவிடக் கொலைகளைக் கண்டுகொள்ளாமல் விடும் வேலையை) ஒரு கட்டுரையிலும் செய்திருக்கிறார், என் செல்ல மப்பு.

இதைப்போய் தமிழகத்தின் நிரந்தர கலகக்கார விளிம்பாலஜிஸ்ட் சாருநிவேதிதா அவர்கள் பதிப்பித்திருக்கிறார் வேறு.