ஆ.  மிகச் சிறிய அளவில் 1967 வரை ஊழல்/கையூட்டு இருந்தது; அது பெரும்பாலும் அதிகாரவர்க்கத்திடம்தான் சரணாகதி. அதன் சதவீதம் – அப்போதைய திட்டமதிப்பீடு அளவுகளில் சுமார் 1.5 – 2. அவ்வளவுதான்.

உ. பெரியவர், தன் தகப்பனாருடன் நேரடியாக காமராஜ் ராஜாஜி பக்தவத்சலம் ஓமந்தூரார், அண்ணாதுரையிலிருந்து – கருணாநிதி எம்ஜிஆர்கள்  வரை சந்தித்திருக்கிறார்.

ஊ. மேற்கண்டவர்களில் கருணாநிதி  (+எம்ஜி ஆரின் இரண்டாம் ஆட்சிகாலம் 1980+) தவிர – மற்றவர்களின், மற்ற சமயங்களின்  அப்பழுக்கற்ற தன்மை – உயர்மட்டங்களில் ஊழலின்மை குறித்து சிலாகித்தார்.

எ. பின்னாட்களில் தம் பிள்ளைகளுடன் ஜெயலலிதா, ஜானகி,   சசிகலா, கருணாநிதி, இசுடாலிர் போன்ற்வர்களையும் வணிகரீதியாகச் சந்தித்திருக்கிறார். எதுவும் நேரடித்தன்மையுடன் இல்லை. திராவிட ஊழல் ஒன்றே இணைத்த வடம்.

ஏ. கூச்சப்பட்டு, அசிங்க, வெட்க உணர்ச்சியுடன் வாங்கப்பட்ட  (படுமோசமில்லாத, குறைந்தபட்ச) கையூட்டு – முதன்முறையாக கருணாநிதியால் 7% (ஏழு சதவீதம்) என ஏற்றப்பட்டு நேரடியாகவும், அடாவடியாகவும் உரிமையுடனும்  ‘கட்சி நிதிக்காக’ என வாங்கப்பட்டது (1968) எனச் சொன்னார். (இந்த கட்சி நிதிக் கணக்குக் கேட்கப்போய்தான், கருணாநிதியால் கல்தா கொடுக்கப்பட்டார் எம்ஜிஆர்!)

ஐ. பின்னர் 1977-80 வரை, முதல் எம்ஜிஆர் ஆட்சியின் பெரும்பாலான ஊழலின்மை குறித்தும், நேரடித்தன்மை பற்றியும் சொன்னார்.

ஒ. அதன்பின் வந்த ஆட்சிகளில் படிப்படியாக இந்தக் கையூட்டுச் சதவீதம் ஏறி, திமுகவின்  (கருணாநிதி + இசுடாலிர்) 2006-11 ஆட்சியின்போது 9.5% எண்ணிக்கையைத் தொட்டது என்றார். (இச்சமயம் அவர் பிள்ளைகள் ஒப்பந்தப்புள்ளிதாரர்களாக இருந்தார்கள்)

ஓ. இப்போது அஇஅதிமுக ஆட்சியில் இது 10.5% – நேரடிக் கப்பம் என்றார்.

ஆனால், இதில் ஒரு நேரடித் தன்மை இருக்கிறது. ஊழல் ஜனநாயகப் படுத்திப் பரவலாக்கப்பட்டது(!) என்கிறார்!

அதாவது:

எந்தச் செலவுத்திட்டமானாலும் (அரசதிகாரிக் குப்பையாளர்களின் தண்டச் சம்பளம் பற்றிச் சொல்லவில்லை) – அதாவது எந்தக் கட்டுமான, பொருள்வாங்கல் தொடர்பான செலவானாலும், நேரடி-முதல்படிக் கையூட்டு என்பது அந்தத் திட்டமதிப்பில் நேரடியாக 10.5%.

இதில் 3.5% பாகம் நேரடியாகக் கட்சிச் செலவுகளுக்குத் தவறாமல் சென்றுவிடும். (இந்தப் பணம்தான், அழகிரிகளும் இசுடாலிர்களும் தினகரன்களும் வாக்காளர்களுக்கு லஞ்சம் கொடுக்கவும், பிரியாணி பொட்டலங்களுக்கும், உடன்பிறப்புகள் சரக்கடிக்கவும் உபயோகமாக இருக்கும் பணம் – இதிலும் அவரவர் திறன்பொறுத்துக் கையாடல்கள் நடக்கும்!)

மிச்சமிருக்கும் 7 சதவீதம் அமைச்சரிலிருந்து – திட்டப்பகுதிசார் கடைமட்ட கவுன்ஸிலர் வரை, அவரவர் சக்திக்கும் பராக்கிரமத்துக்கும் ஏற்றபடியும் முறைப்படியும் ‘கருணாநிதித்தனமான அறிவியல்முறை ஊழல்பங்கீட்டு‘ வழிகளில் பட்டுவாடா செய்யப்படும்.

இந்த 10.5% தவிர சுமார் 1.5 – 3% கையூட்டு – அதிகாரிகளுக்கும் வட்டார தண்டல்காரர்களுக்கும் (காவல்துறை உட்பட)  கட்டப் பஞ்சாயத்தாளர்களுக்கும் அழவேண்டியிருக்கும்.

-0-0-0-0-0-

பொதுவாக அமைதியாக (ஆனால் மிகுந்த ரத்த அழுத்தத்துடன்) அவர் சொன்னதைக் கேட்டுக்கொண்டிருந்த நான், கடைசியில் — கொஞ்சம் மேலதிகமாகப் பொறுத்துக்கொள்ளமுடியாமல் அவரிடம் கேட்டேன்:

அய்யா, இவ்வளவு பேசுகிறீர்களே – நீங்கள் ஏன் இந்த ஈனத் தொழிலில் இன்னமும் இருக்கிறீர்கள்? வேண்டுமளவு வந்துவிட்டது என இந்தக் களவாணிகளுடன் இருக்கும் சங்காப்தத்தையே விட்டுவிடலாமே என்றேன். நீங்கள் ஏன் சர்க்காரியா கமிஷன் முன் பிரமாணம் அளிக்கவில்லை என (விநயத்துடன் தான்) கேட்டேன்.

அதற்கு அவர் துணுக்குறாமல், பெருமூச்சுவிடாமல் சொன்னபதில்களின் சாராம்சம்:

1. அவர் குடும்பத்தினருக்கு இதுதான் தொழில்.  தங்களால் முடிந்தவரை தரக்கட்டுப்பாடு வைத்திருக்கிறார்கள். (ஆனாலும் அவரைப் போல உள்ள, சுமார் 100-120 பெரியபுள்ளிஒப்பந்தக்காரர்களும் அந்த மனப்பான்மை படைத்தவர்கள் அல்லர்)

2. அவரை நம்பி சுமார் 2000 குடும்பங்கள் இருக்கின்றன. அவர்களை நட்டாற்றில் விடமுடியாது. (அவர் அனைவருக்கும் பிஎஃப் போன்றவற்றையெல்லாம் கொடுக்கிறார்)

3.  நீங்கள் காட்ஃபாதர் பார்த்திருக்கிறீர்களா (ஆஹா, சர்வ நிச்சயமாக – 3-4 முறை என்றேன்) – அப்படியானால் நீங்கள் அதையும் ஒரு பின்புல விடையாக வைத்துக்கொள்ளுங்கள். (நான் பதிலுக்குச் சொன்னேன்: கருணாநிதிகளும் எடப்பாடிகளும் உங்களைப்போல அப்படியே சொல்லமுடியுமல்லவா? அவர்களும் காட்ஃபாதர் பார்த்திருப்பார்களே! அவர் சொன்னார்: நீங்கள் கன்னியாகுமரி மாவட்டத்தில் ஒரு பள்ளி ஆரம்பித்து நடத்துங்கள், எங்கள் குடும்பம் உங்களுக்கு அனைத்து உதவிகளையும் செய்யும். ஒருவிதமான உபத்திரவமும் இருக்காது. ஒரு ‘மாதிரி’ கல்விசாலையை உருவாக்கலாம். உங்கள் விருப்பம். அதேசமயம் யோசியுங்கள், உங்கள் கருணாநிதிகள் இம்மாதிரி ஒரு துக்குணியூண்டு விஷயமாவது செய்திருக்கிறார்களா? என் பதில்: யோசித்துச் சொல்கிறேன்)

5. தமிழகம் மட்டுமல்ல – மற்றத் தென்னக மாநிலங்களிலும் கதை ஊழல்தான் – கர்நாடகத்தில் இது 10%. கேரளத்தில் 9.5% (ஆனால் அங்கு அவ்வளவு நிர்மாணத் திட்டங்கள் இல்லை, ‘பிஸினெஸ்’ குறைவு), தெலங்காணாவில் 8% (அங்கு ரேட் குறைந்திருக்கிறது), ஆந்திராவில் 5% என கையூட்டு விரிகிறது – ஆனால் பிஹாரிலும் குஜராத்திலும் அது பெரும்பாலும் இல்லவேயில்லை என்கிறார். (எனக்கு குஜராத் பற்றி ஏற்கனவே தெரியும் – ஆனால் அவர் இக்கால பிஹார் பற்றிச் சொன்னது எனக்குக் கொஞ்சம் வியப்பாகவே இருந்தது)

6. அவர் சர்க்காரியா முன்னால் சென்று கருணாநிதியின் நிதிக்குவை பற்றி வாக்குமூலம் கொடுக்காதற்குக் காரணங்கள் அ) அதன் டேர்ம்ஸ் ஆஃப் ரெஃபெரென்ஸ் ஆ) அவர் தொடர்ந்து அரசுப் பணிகளை எடுத்துச் செய்யவேண்டிருந்த குடும்பச் சூழ்நிலை இ) மனைவிக்கு வந்திருந்த புற்றுநோய்.

-0-0-0-0-

முடிவாக: ஊழல், %, கட்சி’நிதி’ என்பதற்கெல்லாம் – குறைந்த பட்சம் நம் தமிழ் நாட்டைப் பொறுத்தவரை முழுமூல நிர்மூல காரணம் கருணாநிதி.

அவர் தனயன் மேதகு இசுடாலிர் (அதுவும் 9.5% போல முன்னர் பெற்றுக்கொண்டு) இம்மாதிரி ஏதோ எடப்பாடிபழனிச்சாமி ஆட்சிதான் % ஆட்சி எனப் புலம்புவது – ‘ஈயத்தைப் பார்த்து இளிக்கும்’ வெறும் வெட்டிப் பீற்றல் பீற்றும் பித்தளையைத்தான் நினைவுபடுத்துகிறது….

எது எப்படியோ – திருட்டுத் திராவிடர்களிடமிருந்து, 10.5%மாற்றுத்தங்கங்களிடமிருந்து நம் தமிழகத்துக்கு விமோசனம் உண்டா?