| ஒத்திசைவு | प्रत्याह्वय | resonance |

ஆனால் – ஒரு விஷயத்தில்கூடக் களத்தில் இறங்கிக் காரியம் செய்யமாட்டான்; கைகளை அழுக்காக்கிக் கொள்ளமாட்டான், உழைத்துண்ணவும் மாட்டான் எம் மானமிகு மரத் தமிழன். #தமிழேண்டா!

… ஒரு படிப்பில்லை, வாசிப்பில்லை, சுயமாகச் சிந்திக்கும் அறிவில்லை. எங்கோ எந்தப் பேடியோ சொன்னதைப் பிடித்துக்கொண்டு இன்னொரு கோமாளி பேத்துவதை கர்மசிரத்தையாக தன் மண்ணாந்தை மண்டையில் மேலோட்டமாகப் போட்டுக்கொண்டு குப்பைத்தனமாக இணையத்திலும் தெருமுக்கிலும் கொடி பிடிப்பான். ஆவேசப் படுவான். மசுர்க் கூச்செறிக்கப் பேசுவான். அடிப்படை நேர்மையையே விடுங்கள் – காத்திரமாகவும் செய்நேர்த்தியுடனும் ஒரு சாதாரண மசுத்தைக் கூடப் பிடுங்கமாட்டான்.

மசுரு பிடுங்கவும் அறிகிலான், அதன் காரணம் ஈதென்ற அறிவுமிலான்.

…அப்படியே தப்பித்தவறி எக்குத்தப்பாக மசுத்தைப் பிடுங்கினாலும் அதையும் ஒரிரு மசுத்துகளுக்குமேல் அந்த அரைகுறையோனுக்குப் பிடுங்கமுடியாது, ஏனெனில் அவன் ஈடுஇணையற்ற சோம்பேறி. எந்தவொரு விஷயத்தையும் அதில் ஆழ்ந்து அமிழ்ந்து தொடர்ந்து விடாப்பிடியாகச் செய்ய, செய்துமுடிக்க – அவன் பெற்றுள்ள அதியற்புத திராவிடக் கல்வியும் அவனை விடாது; அவன் அடிபணிந்து இயங்கும் நடிகக் கோமாளிகளும் இன்னபிற திராவிட உதிரிகளும் அவனுக்கு சுயமூளையோடு இயங்க வாய்ப்புக் கொடுப்பதேயில்ல. ஆக,  அவனைச் சொல்லியும் குற்றமில்லை…

ஆனாலும் – பாரதம் முழுவதும் சுற்றியலைந்து பல பிராந்தியங்களின் இளைஞர்களுடனும் பணிபுரிய வாய்ப்புகள் பல கிடைத்து அவற்றை உபயோகமும் செய்து கொண்டுள்ள/கொண்டிருக்கும் நான், மனம்வெம்பச் சொல்ல விரும்புவது என்னவென்றால்…

…சுற்றிச் சுற்றிப் போராளிக் குசு விட்டு ஒருவருடையதை மற்றொருவர் பரஸ்பரம் முகர்ந்து ஆனந்தக் கூத்தாடுவதில், பின்னர் அதன் இன்பலாகிரியில் உன்மத்தம் பிடித்தலைவதில் – பின் அடுத்த போராளித்தனங்களுக்குத் தாவுவதில் (வேகமய்யா வேகம்!) — தமிழ்ப் போராளி இளைஞனுக்கு இணை அவனே! (இக்காலங்களில், ஊக்கபோனஸாக – அவளுக்கு இணையும் அவளேதான். நன்றி!)

-0-0-0-0-0-

நேற்றிரவு ஒரு இளைஞ அரைகுறையோடு உரையாட முயன்று அசிங்கமாகத் தோற்றேன் என்ற கசக்கும் உண்மையை ஒப்புக்கொள்கிறேன். :-(  (இத்தனைக்கும் இந்தப் பையன், என்னுடைய நண்பர் ஒருவரால் எனக்குப் பரிந்துரைக்கப் பட்டவன் – நண்பர் என்னுடைய அண்மைய பதிவுகளைப் படித்துவிட்டு…

• ஜெயமோகன், ஒரு அன்பரின் கோபம் – சில குறிப்புகள் 13/04/2018
• ஜெயமோகன்: ‘நானும் போராளிதேன்!’ 12/04/2018
• #எஸ்ரா: ‘என் அதிஅற்புத காவேரிப் போராளித்தன உளறல்கள்’ 11/04/2018
• காவிரிப் பிரச்சினை: தீராவிட அரசியல்வாதிகள் + முட்டாள்/அயோக்கியப் போராளிகள் = பேடிகள் 10/04/2018
• ந்யூட்ரினொ ஆராய்ச்சி, (தமிழ்) பொறியியல் மாணவர்கள், பத்ரி சேஷாத்ரி – சில குறிப்புகள்… 07/04/2018

…அங்கலாய்த்துக்கொண்டிருந்தார்)

எஸ்ரா-சாரு நிவேதிதா-ஜெயமோகன் அறிவுஜீவியத் தளங்களும் (சில ஃபேஸ் புக் ஆசாமிகள் – இவர்கள் பெயர் எனக்கு நினைவில்லை + மனுஷ்யபுத்திரன் (இவருடைய சொந்தப் பெயரில்தான் இப்போது ஃபேஸ்புக் வியாவாரத்தை நடத்துகிறாராமே, பாவம்! + வினவு) ), பூவுலகின் நண்பர்கள் போன்றவர்களும்தான் இவனுடைய ஆதர்சங்கள். (ஹ்ம்ம்… குற்றம் பார்க்கில்… மேலும் – மாமா சொன்னாரென்று இதையெல்லாம் என்னிடம் ஒப்பித்தானோ என்ன எழவோ!)

ஆகவே – இவன் ந்யூட்ரினோ, கூடங்குளம், ஸ்டெர்லைட், காற்றாலை, பட்டாசுத்தொழில், திருப்பூர் ஜவுளித்தொழில், ‘யந்திரமயமாக்கல்*‘ இன்னபிறவற்றின் எதிர்ப்பாளன். ஒரு சுக்கும் இவற்றைப் பற்றித் தெரிந்திருக்கவில்லையானாலுமேகூட.  (*வண்டி வைத்திருக்கிறாயா எனக் கேட்டேன்; அவன் சொன்னான்: என்னிடம் இருப்பது கேடிஎம் பைக், என் தந்தை எனக்குச் சென்றவருடம் வாங்கிக்கொடுத்தார்! நன்றி! உழைப்பின் பெருமையைச் சிறுவயதிலேயே உணர்ந்துவிட்ட பாட்டாளி, வேறென்ன சொல்ல…)

ஆக ஒரு சராசரித் தமிழன். இப்போதே எதிர்க்க ஆரம்பித்தால்தானே பின்வரும் தமிழத் தலைமுறைகளைத் துப்புரவாகக் காயடிக்க முடியும், சொல்லுங்கள்?

அவன் என்னிடம் கேட்டது – ‘நான் ‘சமூகசேவை’ செய்ய விரும்புகிறேன், உழைக்கவிரும்புகிறேன் – ஆக நான் எந்தத் திசையில் பயணம் செய்யவேண்டும்? என் மனப்பான்மைக்கு, பார்வைக்கு ஏற்ற வேலை ஒன்றை எனக்கு ஏற்பாடு செய்து தரமுடியுமா?‘ – என் நண்பர் போயும் போயும் என்னைப் போன்ற பதரிடம் அவனை இதைக் குறித்துப் பேசச் சொல்லியிருக்கிறார். தேவையா?

ஆனால், எனக்கும் பிறத்தியாருக்கு ஏகத்துக்கும் அறிவுரை கொடுப்பது வெல்லக்கட்டி. அதுவும் தானாக மனமுவந்து மாட்டிக்கொண்ட விட்டில் பூச்சிகளை எரிக்காமல் விட்டால் அது தீயின் அடிப்படை தர்மத்தை மீறிய செயலாகத்தானே ஆகும்?

-0-0-0-0-0-0-

சரி.

…பாவம் இப்போது படித்துமுடித்திருக்கும் இளைஞனே, அவன் இனிமேல்தானே சம்பாதிக்க ஆரம்பிக்கவேண்டும் என்று நான்தான் அவனை அழைத்துப் பேசினேன். சுமார் 95 நிமிட வாழ்க்கை, என்னுடையது – இதில் விரயமானது.

முதலில் அவனிடம் கீழ்கண்ட விஷயங்களைப் பற்றிப் பேசினேன்.

நான் கீழே கொடுத்திருக்கும் விஷயங்கள் (உண்மையில் தமிழ் இளைஞனுக்கு, அவன் வாழ்வு வளமையும் செறிவும் பெற என் கோரிக்கைகள் / பரிந்துரைகள்) – சுமார் இருபது வருடமுன்பு, ஒரு இந்திய இளைஞன், எப்படி இந்தியாவையும் தன்னையும் அறிந்துகொள்வது என சுமார் 40 பக்க விஸ்தீரணத்தில் நான் எழுதியிருந்த டெலெக்ஸ்நடை ஆங்கிலமூல ஆவணத்திலிருந்து கடன் பெறப்பட்டது. (ஆங்கில மூலம் தொலைந்துபோய்விட்டது; என் நினைவிலிருந்துதான் அதில் குறிப்பிட்டிருந்த சில விஷயங்களை எழுதுகிறேன்.)

சரி, தமிழ் நாட்டு மாணவர்கள் என்னதான்  செய்யவேண்டும்?   20/02/2014

பின்னர், அவனுக்குச் சொன்னேன் – நான்கு வருடங்கள் எஞ்ஜினீயரிங் முடித்திருக்கிறாய். வேலைக்காகவும் எதிர்காலத்தில் என்ன செய்யவேண்டும் என்பதையும் அறிய என்னிடம் வந்திருக்கிறாய். ஆனால் இது ஒரு நேர்காணல் வகையறா அல்ல – ஏனெனில், அடிப்படை மின்னணுவியல் குறித்த விஷயங்கள் உனக்குப் பிடிபடவில்லை, சரி போகட்டும். இருந்தாலும் நான் சில கேள்விகளைக் கேட்கலாம் என நினைக்கிறேன். பரவாயில்லையா?

ஆம்.

பையா, நீ கூடங்குளம் பற்றிக் குமுறுகிறாய். அதில் என்ன பிரச்சினை?

ஒன்றும் தெரியவில்லை. உலகில் அணுகுண்டுகள் அதிகம். நாகஸாகி ஹிரோஷிமா என… பொதுவான குசு.

ந்யூட்ரினோ திட்டத்தினால் என்ன பிரச்சினை.

அணை உடையும். தூசி. சுற்றுச் சூழல் மாசுபடுதல். உலகில் அணுகுண்டுகள் அதிகம். நாகஸாகி ஹிரோஷிமா என… மறுபடியும் பொதுவான குசு.

தொழிற்சாலைகளால் என்ன பிரச்சினை?

வட நாட்டு பன்னாட்டு நிறுவனங்கள் தமிழகத்தில் கொள்ளை. சுற்றுச்சூழல் மாசுபடும். நீராதாரங்கள் பாழாகும்.

திராவிடர்கள் தொழில் நடத்துவது இல்லையா? உங்கள் உறவினர் டிஆர் பாலு சாராயத் தொழிற்சாலைகளை நடத்துவதில்லையா?

சார், அதெல்லாம் பெரிய விஷயமில்லை.

பைக் வைத்திருக்கிறாயே, அது தொழிற்சாலையில்லாமல் எப்படிவந்திருக்கும்?

இந்த பைக் இந்தியாவில் செய்யப்படவில்லை.

புகை?

தொழிற்சாலைகளின் புகைக்கு என் வண்டியின் புகை குறைவுதானே? மேலும் நெடுஞ்சாலைகளில் காற்று நிறைய வீசி(!) புகை அடித்துக்கொண்டுபோய் மாயமாகி விடும்.

சுற்றுச்சூழல் பற்றி இவ்வளவு கரிசனப்படும் நீ, சைக்கிளில் அல்லது நடந்துபோகலாமே!

ஸார், நான் ஒருவன் சைக்கிளில் போவதாலே இது சரியாகிவிடுமா?

…
…

ஒரு நாளைக்கு ஒரு திராவிடர் விடும் குசுவின் அளவென்ன? எவ்வளவு தடவை ஏப்பம் விடுகிறார்?

ஸார், இந்தக் கேள்வி எதற்கு?

சபாஷ் தம்பி, சிந்திக்கிறாய் – ஆகவே தேறிவிடுவாய்! இவைகளால் சுற்றுச் சூழல் நேரடியாகப் பாதிக்கப் படுவதற்கு வாய்ப்புகளே இல்லையா? மீத்தேன் ஒரு க்ரீன்ஹௌஸ் வாயுதானே?

நான் சொன்னது புரிந்ததோ இல்லையோ, அவன் சிரித்துவிட்டான். நான் சொன்னேன் – நீ ஸீரியஸ்ஸாக இதனைக் கணக்கெடுத்தால், தமிழகம் நாசமாவதற்கு இன்னொரு திராவிடக் காரணமும் கிடைக்கும். சரியா?

ஜல்லிக்கட்டு போராளித்தனத்தில் ஈடுபட்டாயா?

ஆமாம் ஸார். இலங்கையரசுக்கெதிரான மாணவர் போராட்டத்துலகூட ஸார். அப்போ நான் சின்னப் பையன். (ஆர்வத்துடன் இன்னமும் பலப்பல போராளித்தனங்களைப் பற்றிச் சொன்னான், எனக்குத் தலையே சுற்றியது)

சரி, இப்ப அந்த ஜல்லிக்கட்டு விஷயம் எங்கே இருக்கிறது?

அவனுக்கு – முதலில் அந்தப் போராட்டம் எதற்கு நடந்தது என்றே தெரியவில்லை. ஆக இந்தக் கேள்வி அவனுக்கு அபத்தமாகப் பட்டது. மேலும் – இப்போது பிற ‘பற்றியெரியும்’ பிரச்சினைகளைக் கையில் எடுத்திருப்பதால் பாவம்,  அவன் ரொம்ப பிஸி. தற்போது காவேரி அல்லோலகல்லோலம் வேறு. புரிந்துகொள்கிறேன். நன்றி.

…

சிரிப்புகளுக்கு அப்பாற்பட்டு அந்தப் பையன் தேறவில்லை. அவன் லட்சியம் திரைப்படத் துறையில் சேர்ந்து ‘சமூக சேவை(!)’ செய்வதுதான் எனப் புரிந்தது. இல்லையென்றால் ‘ஈவென்ட் மேனேஜ்மென்ட்’ அதற்குத்தான் ஒருவிதமான தகுதியுமே அவசியமில்லையே!

சமூகப் பார்வையுள்ள புரட்சிப் படங்களை எடுக்கப் போகிறேன் என்றான் – இணையத்தில் ரிலீஸ் என்றான்; முதலில் அணுசக்தி எதிர்ப்புப் படம். நான் சொன்னேன் – பையா, உண்மையைச் சொல்கிறேன், உனக்குப் பார்வையே இல்லை, பின் எப்படி சமூகப் பார்வை வரும்? புரட்சி பற்றிப் பேசுவது லேசு – ஆனால் அதற்கு உழைக்கவேண்டுமே!

ஸார், உங்க காலத்துல புரட்சி என்பது வேறு. எங்க காலத்தில் ஊடகப் புரட்சிதான். சமூக வலைத்தளங்களின் வழியாகவே புரட்சி சாத்தியமாகும். எடுத்துக்காட்டாக அரபிய வசந்தம்!

!!!!!

ஆனமட்டும் சொல்லிப் பார்த்தேன் – இணையத் திரைப்பட மாடல்களில் பிஸினெஸ் சுளுவில்லை – ஆனாலும் கொஞ்சம் பணம் கிடைக்கலாம், ஆனால் பலவிஷயங்களில் இந்தத் திரைப்பட எழவுகளுக்கு  ஜேப்படித் தொழிலே மேல், அதிலும் உழைப்பும் ரிஸ்க்கும் இருக்கிறது என்றெல்லாம். குருடன் கண்ணில் காட்டிய இயற்கையழகு.

…நம்முடைய உரையாடல் நம் இருவருக்குமே பிடிக்கவில்லை. பின் ஏன் வந்தாய் என்னிடம்,  சமூகசேவை சமூக  இடியாப்பம் என்று? என் நேரமும் விரயமானதே என்றேன்.

அவன் சொன்னான் – மாமா கோவிச்சுக்குவாரு. அதனாலதான்.

மாமாவிடம் உடனடியாகப் பேசி, திட்டித் தீர்த்தேன். இப்போது இன்னொரு புத்தம்புது எதிரி!

…சும்மனாச்சிக்கும் சொன்னேன், அவர் பாவம், ஒரு நல்லெண்ணத்தில் இதனைச் செய்திருக்கிறார்; பிரச்சினை என்னவென்றால் எனக்கு அறிவோ விவேகமோ பொறுமையோ இல்லை. வெறும் காமாலைக் கண் பார்வை மட்டுமே. என்ன செய்வது சொல்லுங்கள்! :-(

-0-0-0-0-0-

ஆக, பொங்கள் வாழ்த்துகல். னண்ரி.

அலுப்பாக இருக்கிறது. :-(

பின்குறிப்பு: ஜெயமோகன் அவர்கள் பரிந்துரைத்தாரே என்றுகூட, சிலபல வருடங்களுக்கு முன் ஒரு பையனுடன் இப்படி ஒரு உரையாடல் நடத்தியதாக நினைவு… ஆனால் இனிமேல் இம்மாதிரி விஷப் பரீட்சைகளில் இறங்கப் போவதில்லை. நல்லெண்ண மாமாக்கள் தயவுசெய்து மன்னிக்கவும். வயிறெறிகிறது. என்னால் முடியவில்லை.

என்னை நம்பி எனக்கும் ஒரு குடும்பமாவது இருக்கிறது. பிள்ளைகள் பள்ளிக்குப் போய்க்கொண்டிருக்கிறார்கள். மாளா விரக்தியில் என்னை மூழ்கடித்து விடாதீர்கள். தற்கொலை முயற்சிகளில் ஈடுபட வைத்துவிடாதீர்கள்! உங்கள் தயை எனக்குத் தேவை.

மேலும் – இன்னமும்கூட, திராவிடர்களையும் மீறி – சில ஜொலிக்கும் தமிழிளைஞர்கள் இருக்கிறார்கள் என நம்பி நாசமாப் போகவே எனக்கு ஆசை.

நன்றி. :-(