| ஒத்திசைவு | प्रत्याह्वय | resonance |

கொஞ்சம் வெட்கமாகி விட்டது. மக்களுக்கும் தமிழகத்துக்கும் காத்திரமாக ஒரு திடமான மசுத்தையும் பிடுங்காமல் சுயகாரியப் புலியாகவே வாழ்நாள் முழுதும் காலட்சேபம் செய்தவரை – தராதரம் பார்க்காமல் இப்படியா கொண்டாடுவார்கள்?

-0-0-0-0-

நெடும் காலம் வாழ்ந்து, கனிந்தாரோ இல்லையோ, ஒருவழியாகப் போய்ச் சேர்ந்தார்; அவர் பிள்ளைகள் அவரை முடிந்தவரை சரியாக, அவர் இறக்கும் வரை பார்த்துக்கொண்டார்கள். இதுவும் நல்லதே. சொத்து குடுமிப்பிடிச் சண்டைகள் எல்லாம் கமுக்கமாக நடக்கும் என்றாலுமேகூட.

நெடுங்காலம் தமிழக அரசியலில் இருந்திருக்கிறார். அவருடைய தொடர் சந்தர்ப்பவாத அரசியலும் சுயஆதாயக் குவியமும் அவ்வரசியலின் தன்மைகள் என்பதை விட்டுவிட்டால், இந்த நீடிப்பு, குறிப்பிடத்தக்க விஷயம்தான். ஆனால் எனக்குத் தெரிந்தே காங்கிரஸிலும் பாஜகவிலும் (அக்கால ஜனசங்கத்திலிருந்து) இப்படி நிறையவே பேர் அரசியலில் நேர்மையாக, இரண்டாம்பேருக்குத் தெரியாமல் உழைப்பவர்களாகவும், கீழ்மட்டத் தலைவர்களாகவும் இருக்கிறார்கள்.

ஆனால் ஆயிரம் தலைமுறைகளுக்குமேல் சொத்து சேர்த்திவைத்திருக்கிறார். பல சொந்தக் குடும்பங்கள்,  அண்மைச் சொந்தங்கள், அவற்றின்வழித் தலைமுறைகள் எனப் பார்த்துப் பார்த்து ஆவன செய்திருக்கிறார். ஓடியோடி அமுக்கியிருக்கிறார். இதனைத் தவிர, இரண்டாம் மூன்றாம் வரிசை திமுக தலைவர்களையும் இப்படியே திரவியம் தேட, அவரவருக்கு அவரவர் திராவிடவழியென குறுநில மன்னர்களாக குறுசெங்கோலோச்ச அனுமதித்திருக்கிறார். இம்மாதிரித் திறமை இந்தியாவில் எவரிடம் இந்த அளவுக்கு இருக்கும் என்பது கேள்விக்குறியே!

ஆடுகிற மாட்டை ஆடிக் கற, ஆடாத மாட்டை ஆவணியில் கற – என, கரகரத் தொண்டை அடுக்குமொழி பொறுக்கி நடையை வைத்தே அனைத்து ஆதாயங்களையும் அடைந்திருக்கிறார். இந்தத் திறமையின் பின்னால் கடும் உழைப்பு இருப்பதை எவரால் மறுக்கமுடியும்?

ஆனால் அவருக்கென ஒரு வசீகரம் இருந்திருக்கிறது; இது எப்படி என எனக்குச் சுத்தமாகப் புரியாவிட்டாலும், அவருக்காக உருகும் லட்சக்கணக்கான பாமரர்கள், அவரை ஒரு கடவுள் ரேஞ்சுக்கு மதித்திருக்கிறார்கள். எனக்கு அழுவதா சிரிப்பதா கிலியில் நடுங்குவதா எனத் தெரியவில்லை.

தொடர்ந்து வெறுப்பியத்தில் – அதுவும் ஹிந்து கடவுட்களை மட்டும் ஹிந்துமதங்களின் கூறுகளை மட்டும் படுமோசமாகக் கிண்டல் செய்திருக்கிறார். இதற்கு அவருக்கு ஏதாவது பிரத்தியேகக் காரணங்கள் இருந்தது போலவும் படவில்லை. இருந்தாலும் ஹிந்துக்கள் அவரை ஆதரித்திருக்கின்றனர். இதன் காரணமாகவே எனக்கு ஹிந்துமதங்களின் படி ஒழுகுவதாகத் தங்களைக் கருதிக்கொள்ளும் சுமார் 80% தமிழர்களின் மீதும், அம்மதங்களின் மீதும் வெகு ஆச்சரியமாக இருக்கிறது. இந்த மந்திரவாதத்துக்குக் காரணம் – நாம் தமிழர்கள், ஆகவே தர்க்கரீதியாகச் சிந்திக்கத் தெரியாதவர்கள் என்பதா? அல்லது மசுர்க்கூச்செறிந்து இன்புறுவதிலேயே மானங்கெட்ட தமிழன் தற்குறியாக இருப்பதாலா?

தம் கட்சிக்காரர்கள் குங்குமம் வைத்துக்கொண்டபோது அதைக் கேவலப்படுத்திய அதேநேரத்தில் –  தன் குடும்பத்தில் ஹிந்து மதச் சடங்குகளை செய்திருக்கிறார், மனைவிகள் மஞ்சளும் குங்குமமும் தாலியும் அணிந்துகொள்வது உட்பட. படுமோசமாக மூடநம்பிக்கைகளிலும் – மஞ்சள் துண்டு உட்பட – ஈடுபட்டிருக்கிறார். திராவிடப் பகுத்தறிவின் இம்மாதிரியான கல்யாணகுணங்கள் காரணமாக, தமிழர்கள் இதனையும் கண்டுகொள்ளாமல், கபட இரட்டைவேடதாரியான இவர் பின்னாலேயே அலைந்திருக்கின்றனர்.

பெண்களைப் பற்றிப் படுமோசமாகப் பேசியவரும் (இவர் ஜெயலலிதாவை மேடையில் ‘பச்சைத் தெவிடியா’ என விளித்துப் பேசியவர்)   – ஸ்த்ரீலோலராக விளங்கியவரும்தான் இவர். இவருடைய மனைவிகளும், பெண் குழந்தைகளும் இவரைப் பற்றி எப்படித்தான் உயர்வாக நினைக்கிறார்களோ, தெரியவில்லை; ஊக்கபோனஸாக, இவருடைய மகள் (மன்னிக்கவும், மகளின் தாயாரின் மகள்) ஒரு பெண்ணியவாதி எனத் தன்னைச் சொல்லிக்கொள்கிறார் என்பது ஒரு அவலம். ஆனால் இந்தக் கவிஞர், தஹிந்து தினசொறியில் துணை ஆசிரியராக வேலை செய்து சம்பாதித்த தொகையை வைத்துக்கொண்டு மட்டுமே — ஆனால் ‘கடும் உழைப்பின்’ காரணமாக பல்லாயிரம் கோடி ரூபாய் தேனாம்பேட்டை நிலங்களையும், பலபத்தாயிரம் கோடி ரூபாய் துறைமுக க்வீக்களையும் கன்டெய்னர் டெர்மினல்களையும் கபளீகரம் செய்து வாங்கியிருக்கிறார் என்ற காரணங்களால் தகப்பனாரின் வக்கிரவரலாற்றை சாய்ஸில் விட்டுவிட்டார் போலும்!

மேடை நாகரிகம் என்பதையே அறியாமல், கடைந்தெடுத்த அயோக்கியக் கண்ணியமின்மையுடன் – காமராஜரைப் பற்றியும் ( அண்டங்காக்கா, எருமைத் தோலன், ரஷ்யாவுக்குப் போன எருமை, தீவட்டிக் கொள்ளைக்காரன், கோமாளிக் கோமகன்,   ‘கருவாட்டுக்காரி சிவகாமியின் சீமந்த புத்திரன் காமராஜன்,’  கட்டைபீடிக்கார காமராஜன், கரிக்கட்டை, முதுகுத் தோலை உரித்தால் டமாரம் செய்யலாம், அறிவிலி,  படிக்காத பன்னாடை, நனச்ச பனை, எரிஞ்ச பனை, மொட்டைப் பனை, மரமேறி சாணான், கிராமத்து நாட்டான், பனையேறி, காண்டாமிருகம், ஆண்மையற்றவன், ஒம்போது, அலி, பல கோடிரூபா ஸ்விஸ் பேங்குல, ஹைதராபாத்தில மாளிகை … ) எம்ஜிஆரைப் பற்றியும் (ஒம்போது, மலையாளி, திக்குவாயன்…) – ஏன் இந்திராகாந்தி (விதவை, ‘பெண் என்றால் சிலசமயம் ரத்தம் வரும்,’ …) ஜெயலலிதாக்கள் பற்றியும் படுமோசமாகப் பேசி கண்ணியம் காத்திருக்கிறார். கருணாநிதி.

• “ஏன், நான் இந்தியப்பிரதமர் ஆகிடக் கூடாதா?”   
• திருக்கோஷ்டியூரில் நவீன இராமானுஜன்: ஒரு பின் நவீனத்துவ திராவிட மீளுருவாக்க, மாற்றுப் புராண எழவியல்

மனிதர், வாய்கூசாமல் பலமுறை அண்டப்புளுகுகளைப் புளுகியிருக்கிறார். பலருக்கு (ஈழத் தமிழர்கள் உட்பட) பச்சைத் துரோகம் செய்திருக்கிறார். கண்டமேனிக்கும் தப்புத்தப்பான தமிழில் எழுதிக் குவித்திருக்கிறார். அரசதிகாரத்தில் முதலையமைச்சராக இருந்தபோதே திரைக்கதை வசனங்களை எழுதி – அளவுக்கு மீறிய ஊழல் பணத்தையும் லாட்டரிச்சீட்டு மார்ட்டின்களிடமிருந்து பெற்றிருக்கிறார்.

மத்திய அரசுக்குக் காவடி எடுத்து அமைச்சுப் பதவிகளையும், ஜெயப்பிரகாஷ் நாராயண் அவர்கள் காலில் விழுந்து ஊழல்களுக்காக மன்னிப்பு கேட்டும், காலைச் சிற்றுண்டிக்கும் மதியவுணவுக்கும் நடுவே பகீரங்க உண்ணாவிரதம் இருந்தும் – ஒரு நவரச நடிகராகவே விளங்கினார்.

-0-0-0-0-

ஒரு முதலையமைச்சராக – செய்யவேண்டிய அடிப்படைக் காரியங்களைக் கூடச் சரியாகச் செய்யாமல் அதில் ஒன்றிரண்டு விஷயங்களை மட்டும் செய்து, புறங்கையை நக்கிவிட்டு இவர் அதற்குமேல் என்னதான் சாதித்தார்? சாதிவெறியை ஊதியதைத் தவிர? மதவெறியில் ஈடுபட்டதற்கு அப்பாற்பட்டு??

ஆனால் அவர் செய்யவேண்டிய காரியங்களை, அதிலும் சிலவற்றை அவருடைய துர்ப்புத்தியையும் மீறிச் செய்துவிட்டால் என்னவோ அவர் ஒரு அவதார புருஷன் போல இல்பொருள் உவமையணிப் பொய்களில் ஈடுபட்டுவிடுகிறார்கள், நம் முட்டாக்கூ பேடித் தமிழர்கள், வேறென்ன சொல்ல.

தமிழகத்துக்கு அவர் செய்தது இதுஅது எனப் பொய்பொய்யாக எழுதுகிறார்கள். ஹோம்வர்க் செய்யாமல் அடித்துவிடுகிறார்கள்.

உலக வரலாற்றிலேயே முதன்முதலாக – தமிழகத்தின் கருணாநிதிதான் முதலையமைச்சராக மஞ்சள் துண்டு அணிந்து கொண்டு தமிழகத்தை முன்னேற்றினார், ஏழ்மையை விரட்டினார் என்கிற ரேஞ்சில் பரணி பாடுகிறார்கள்.

ஆனால், திடமாக – அறிவியல் பூர்வமான தகவல்களுடன் சொல்வேன்: ஏதாவது ஒரு விஷயத்தையாவது –  பதவியின் மாண்புக்கும் ஊழலுக்கும் அப்பாற்பட்டு அவர் செய்திருக்கிறாரா என்றால் – இல்லவேயில்லை. சுமார் 45 ஆண்டுகளாக இந்த ஆசாமியின் கயமை நாடகங்களைப் பார்த்துவிட்டு மனம் நொந்துபோய்தான் இதனை எழுதுகிறேன்.

மாறாக – இது குறித்து உங்களிடம் காத்திரமான, சரிபார்க்கும் படியான தகவல்கள்  இருந்தால் (ஒரேயொரு விஷயத்தில் இருந்தால்கூட) நான் தாராளமாக என்னைத் திருத்திக்கொள்கிறேன்.

ஹ்ம்ம்.

ஆகவே, கருணாநிதியைப் போற்றுவோம். கொண்டாடுவோம். அவர் உலகைக் காக்க வந்த உத்தமர். பண்பாளர். ஏழைப் பங்காளர். புரட்சிகர நேர்மையாளர். லஞ்சம் என்றால் அவருக்கு  நெருப்பு.

முதலில் பாரத ரத்னா. வேகமய்யா வேகம்…

பின்னர், உடனடியாக நொபெல் பரிசுகள். சரியா?

ஊக்கபோனஸாக – இலக்கியத்துக்கான மேன் புக்கர் விருதும், கணிதத்துக்கான ஃபீல்ட்ஸ் மெடலும் எப்படியாவது திராவிடத்தனமாக அட்ஜஸ்ட் செய்து வாங்கிக்கொடுத்துவிடுவோம், நமக்கெதுக்கு வம்பு?

பின்குறிப்பு: சாரு நிவேதிதாவுக்கு அடுத்தவருடம் இந்த விருதுகளைக் கொடுத்துக்கொள்ளலாம், வோக்கேவா?