ரேஷ்மா எனும் மலையாளப் போர்ன் பட நடிகையைப் பற்றி முக்கியமாக எல்லாருக்கும் தெரியவேண்டும் என்று ஆவலால், பரோபகாரச் சிந்தனையால் ஆட்கொள்லப்பட்டு, வக்கணையாக எழுதுகிறார். ஆக, இந்த நடிகை பற்றி எனக்கும் ஒரு அறிமுகத்தைக் கொடுத்ததற்கு நன்றி பல. பார்க்க: ரேஷ்மாவின் கதை

ஆக – தவறான முடிவுகளால், பரிசீலிக்கப்படாத வாழ்க்கையினால் எப்படி ஒரு மானுடன் சின்னாபின்னம் ஆகலாம் என ஒரு எடுத்துக்காட்டாக இந்தக் கட்டுரையை எழுதினார் என்று கூட ஒரு சப்பைக் கட்டைக் கட்டலாம்.

இந்த பாவப்பட்ட பெண்ணின் வாழ்க்கையைப் பற்றிய ஆதூரமான கட்டுரையை வடிக்க முயன்றிருக்கிறார் என்றுகூடப் பொய் சொல்லிக் கொள்ளலாம்.

ரேஷ்மா படத்தை வெளியிட்டதே ஒரு அசிங்கம். ஆனால் அதற்குமேல் போய், அவருடைய வழக்கமான (அவரால் தொடர்ந்து வெறித்தனமாக வெறித்துப் பார்க்கப்படும்?) படம் வகையறா ஒன்றைப் போட்டிருக்கிறார் – அதாவது பிதுங்கும் பாற்சுரப்பியுடன்கூடிய படம். கேவலம். ரேஷ்மா அவர்களைப் பற்றிய வேறொரு படமும் இவருக்குக் கிடைக்கவேயில்லையா?

… ஆனால் – போர்ன் படங்களில் நடிக்கும் ஒரு ஆணைப் பற்றி ‘ஆதூரத்துடன்’, ‘சமூகப் ப்ரக்ஞை’யுடன் – முற்போக்குத்தனமாக எழுதி, அவனுடைய தேய்ந்துபோன திராவிடக் குஞ்சாமணி,  அவன் கோமணத்திலிருந்து பிதுங்கிக்கொண்டு  தெரிய,  ஒரு படத்தையும் மேலதிகமாக வெளியிடும் நேர்மையாவது இருக்கிறதா?

…இந்த யுவகிருஷ்ணா மனிதர், தன் குடும்பத்தைப் பற்றி ஒரு கட்டுரை (இது அவருக்குக் குடும்பம் என்று ஒன்றிருந்தால், அவர்கள் அனைவரும் எங்கோ சுற்றுலா சென்றது பற்றியது என, ஒரு எடுத்துக்காட்டுக்காக எடுத்துக்கொள்ளலாம்) எழுதுகிறார் என வைத்துக் கொள்ளலாம்.

அந்தச் சுற்றுலாக் கட்டுரையில் அவருடைய குடும்ப உறுப்பினர்களின் இம்மாதிரி படங்களை அவர் வெளியிடுவாரா? மாட்டார்தானே?? (ஆனால் செய்வாரோ? அவருக்குத்தான் பெண் என்றாலே ஒரு போகப்பொருள் என்ற நிலைப்பாடுதானே!)

ஆக – படைப்புகளைத் திருடிச் சாப்பிடும் தனக்கு ஒரு நீதி, உழைத்துச் சம்பாதித்த (அந்த உழைப்பை ஒழுக்கவியல் ரீதியாக இவர் மோசமாகக் கருதினாலும்) ஒரு பெண்ணுக்கு இன்னொரு  நீதியா?

தொப்புள் இல்லாமல், பிதுங்கி வழியும் பாற்சுரப்பியில்லாமல் – இந்த மனிதரால் (தன் குடும்பம் சாராத) ஒரு பெண்ணைப் பார்க்கவே முடியாதா?

என்ன அற்பஜீவி, இந்த மனிதர்.

தமிழ் ஊடகக்காரனென்றாலே ஒரு அற்ப இரட்டைவேடதாரிதானோ?

இம்மாதிரி இளைஞர்களுக்கு நாம் எம்மாதிரி கல்வியைப் புகட்டியிருக்கிறோம்?

இம்மனிதரை – ஒரு சராசரி தமிழக திராவிட இயக்க இளைஞர் எனக் கருதலாமா?

நான் ஒழுக்கம் கிழுக்கம் என்றெல்லாம் பேசவரவில்லை – ஆனால் எம்மாதிரி முன்மாதிரிகளை இவர்கள் போன்றவர்களுக்கு நாம் அளித்திருக்கிறோம்?

நான் ஒருகாலத்தில் (=’திசைகள்’) மிகவும் மதித்த மாலன் அவர்களிடம் இந்த மனிதர் பணி (‘புதிய தலைவலி’) புரிந்திருக்கிறார் – அப்போதும்கூட என்ன மசுத்தை கற்றுக் கொள்ள முடிந்திருக்கிறது இந்த மனிதரால்?

பத்ரிகாதர்மம் பத்ரிகாதர்மம் என, அவருடைய சுகவாழ்க்கைக்கு எதிராகச் செய்திகள் வரும்போதெல்லாம் – என் தலைவர் கருணாநிதி அவர்கள் அரற்றிக்கொண்டே இருப்பார்; யுவகிருஷ்ணா அவர்கள் ஓங்கிஓங்கி அடிக்கும் ஜால்ராவின் குறியான அவர் கேட்பது போலவே – யுவகிருஷ்ணாவின் பத்ரிகாதர்மம் என்பது என்ன?

-0-0-0-0-0-0-0-

இந்த யுவகிருஷ்ணக் கட்டுரை எழவைப் படித்ததனால் – நான் இந்தப் பீடை கழிய, தலைக்குக் குளிக்கப் போகிறேன்…

இனிமேல் பத்ரிசேஷாத்ரி தளம் (பத்ரி கா தர்மம்?) பக்கமே போகக் கூடாது. அங்கு சென்றதினால் வந்த பிரச்சினைதானே இது. ;-)