ஆக, தாத்தாக்களுக்கே (+பாட்டிகளுக்கும்) இருக்கக்கூடிய உலக ஞானமும் சமனமும் இறப்பின் அணுக்கமும் — இசுடாலிரை இப்படித் தத்துப்பித்துவார்த்தரீதியில் பேத்த  வைக்கின்றனவா?

“இடைத்தேர்தல் என்றாலே வாக்காளர்களுக்கு பணம் கொடுக்கும் அறிவியல் ரீதியான நடைமுறைகளை கடைபிடித்து எல்லை கடந்த அதிகார துஷ்பிரயோகத்தை செய்வதுதான் .. … தேர்தல் பணி “

புதியதலைவலி ஊடகப்பேடிகளின் சுட்டி:  (எச்சரிக்கை: மேற்கோளில் கொஞ்சம் ஜனரஞ்சகமாக ‘எடிட்’ செய்திருக்கிறேன். தீராவிடத்தில் அதிமுகவென்றும் திமுகவென்றும் உண்டோ?)

…குறிப்பாக, ‘அறிவியல் ரீதி’ என்பதை அவதானித்தால் சர்க்காரியா முதல் மேம்பாலங்கள் ஊடாக  திருமங்கலகரமான நினைவுகளும் அண்ணா நகர் ரமேஷ் (தற்)கொலை முதல் சாதிக்பாட்ஷா (தற்)கொலை போன்றவைகளும் நினைவுக்கு வருவது, நம்மை திக்குமுக்காட வைப்பது – போன்றவையெல்லாம் நம்மால் மண்டயில் அடித்துக்கொண்டு ஒப்புக்கொள்ளப் படவேண்டிய விஷயங்களே!

இப்படியெல்லாம் ஒருவர் (அவர் இருக்கும் நிலையில் இருந்து) கூச்சமேயில்லாமல் பேசுகிறார் என்றால் ஐந்து  விஷயங்கள் உண்மை:

1. தமிழனின் ஞாபக சக்தி மிகவும் குறைவு. குறிப்பாக, திராவிட லட்சணங்களைப் பற்றிய வரலாற்றறிவு பூஜ்யம்.
2. வாய்கூசாமல் தொடர்ந்து பொய் சொல்வான், வெட்கமேயற்ற அயோக்கிய திராவிடன்.
3. சராசரி திராவிடக்கூ அரசியல்வாதிக்குத் தெரியும் – விசிலடிச்சான் குஞ்சப்ப, லஞ்சம்கேட்கும் வாக்காளர்களுக்கு – தாம் பேசுவதைப்  பற்றி ஒரு மசுத்துக்கும் கவலையில்லை என்பது.
4. தமிழர்கள் கேளிக்கைமுதல்வாதிகள். திராவிடர்கள் கொள்ளைக் கோமாளிகள்.  இவர்கள் இருவரும் சேர்ந்த கூட்டணியால் தமிழகம் வெளங்கிடும்டா.
5. தமிழர்களுக்கு நகைச்சுவை உணர்ச்சி அதிகம்; இதையும் நமட்டுச் சிரிப்பொன்றை உதிர்த்துக்கொண்டு கடந்துபோய்க்கொண்டே இருப்பார்கள்.

… தீராவிட மாய்மலங்களில் இருந்து நம் தமிழகமும் பாரதமும் விடுபடுவது எப்போது?

எனக்குப் பொறுமையே இல்லை. :-(  அந்த ஒளிரும் எதிர்காலத்தை ஆவலுடன் எதிர்பார்க்கிறேன்.

…ஹ்ம்ம்ம். பார்க்கலாம், எதிர்காலம் எப்படி விரிகின்றதென்று… நான் நன்னம்பிக்கைவாதியே! :-)