…பாவம், நம் நடிக விவசாயிகளானவர்கள் தில்லி ஜந்தர்மந்தரில் பட்ட தாங்கொணாக் கஷ்டங்களைப் பார்த்தால் கல்நெஞ்சக்காரனான எனக்கே பொறுக்கமுடியவில்லை. சிரித்துச்சிரித்து மாளவில்லை.

23 ஏப்ரல் 2017அன்று, இந்தத் தொப்பையாளர்கள், இந்தக் கேளிக்கையை அநியாயத்துக்கு வாபஸ் வாங்கிய பின்னர், அவர்கள் ‘கோரிக்கைகள்’ ஏற்கப்படவில்லையானால் – மே 25க்குப் பின் மறுபடியும் போராட்டத்தைத் தொடர்வோம் என்றார்கள்.

ஆனால் பாருங்கள், பாவிகள் – 9  ஜூன், 2017லிருந்து தான் மறுபடியும் ஆரம்பித்திருக்கிறார்கள். இதென்ன சோம்பேறித்தனம்? கொடுத்த வாக்கைக் காப்பாற்றவேண்டாமா? எவ்வளவு நாட்கள்தாம் நாம் காத்திருப்பதாம்? கொஞ்சமாவது பொறுப்புணர்ச்சி வேண்டாம்?

…அதுவும் இந்தக் கேளிக்கையை சேப்பாக்கத்தில்  ஆரம்பித்திருக்கிறார்கள், தில்லியில் அல்ல! (நண்பர் ஒரு குறுஞ்செய்தி அனுப்பினார் – ‘இதை இவர்கள் கீழ்ப்பாக்கத்தில் அல்லவோ செய்திருக்கவேண்டும்!’)

மண்டையில் அடித்துக்கொண்டு இச்செய்தி முழுவதையும் படிக்கவேண்டுமென்றால்.

(மேற்கண்ட ‘க்ரூப் ஃபோட்டோ’ கருத்துப் படத்தின்மீதான கேள்வி: இந்தப் பூசையறைகுறைப் படத்தில் சிரித்துக்கொண்டே அருள் பாலிப்பது யார்? 1) மதுரை மீனாட்சி அம்மையார்  2) திருப்பதி வேங்கடேசனார்  3) திருமாவளவனார் 4) ஈவெ ராமசாமியார்

நமக்கு இது தேவையா?

-0-0-0-0-0-

எது எப்படியோ, நம் செல்ல விவசாயிக் கோமாளிக் கோமகக் கூவான்கள் பக்கம் நம் கடைக்கண் பார்வையை மறுபடியும் வீசுவோம்…

-0-0-0-0-0-

ஏனெனில் – நமக்கு நன்றாகவே தெரிகிறது – மேதகு அய்யாக்கண்ணுவாருக்கு ஐடியாக்கள் வறண்டு கொண்டிருக்கின்றனவென்று. ஆகவே அவர் சன்னிதானத்தில் என் பணிவார்ந்த சமர்ப்பணங்களைக் கீழ்க்கண்டபடி அர்ப்பணிப்பதில்  உள்ளபடியே எருமையடைகிறேன்.

• நம் பிரதமர் நரேந்திர மோதி அவர்கள் வெளிநாடு செல்லும்போதெல்லாம் அவருக்கு முன்னரே அந்தந்த நாடுகளுக்குச் சென்று – அவரை விமான நிலையங்களிலேயே எதிர்கொண்டு போராட்டத் தட்டிகளையும் ஊக்கபோனஸாக தங்கள் ‘மர்ம ஸ்தானங்களையும்’ ஆட்டுதல் (பிரச்சினையென்னவென்றால் குளிர்ப்பிரதேசங்களில் வேண்டுமளவு பாதுகாப்பு செய்யப்படாவிட்டால், மேற்கண்ட ஸ்தானங்கள் விடைத்துவிரைத்து உடைந்தேவிடும் சாத்தியக் கூறுகெட்டதுகள் இருக்கின்றன; சுபம்.)
• ‘மசான கொள்ளை’ வகை க்ரேன்களைக் கொணர்ந்து, அதிலிருந்து தலை கீழாக நிர்வாணமாகத் தொங்கல். (நமக்கு நாமே என அவர்களுடைய இசுடாலிர் தனமாக, தங்களுடைய குடிநீர் பிரச்சினையையும் தீர்த்துக் கொள்ளலாம்; வாயைத் திறந்துவைத்துக்கொண்டால் போதும்!)
• தம் குஞ்சாமணிகளில் கொக்கிகளை மாட்டிக்கொண்டு அல்லது அலகுகளைக் குத்திக்கொண்டு காவடியெடுக்கும் போராட்டம்.
• பகிரங்கமாக, தத்தம் சிறுநீரிலேயோ அல்லது மற்றவர்களின் மானுடமியத்தையோ உபயோகித்து ஞானஸ்நானம் செய்துகொள்ளுதல்
• மொஹர்ரம் வகை போராட்ட வகையாக சவுக்குகளால் தங்களை மட்டும் அடித்துக்கொள்ளாமல் போகிறவர் வருகிறவர்களையும் சவுக்குகளால் விளாறல்
• எலியூட்டிக்கொள்ளல் ஒத்துவராமையால் தம்மைத்தாமே எரியூட்டிக் கொண்டு அமர்க்களமாகப் போய்ச் சேர்தல்
• வாடிகன் போப் அவர்களின் அரண்மனை வாயிலுக்குச் சென்று – முள்கிரீடம் மட்டும் அணிந்து முதுகில் சிலுவையையும் சுமந்து, அம்மணோ சாமியோ எனக் கூப்பாடு போட்டு மோதியிடம் பேசச் சொல்லி இதென்ன திருச்சபையா தெருச்சபையா என மக்களுக்கு மனக் கிலேசம் வரவித்தல்
• ஐநா சபை முன் எலிப்பெருச்சாளிக் கதைகளை அரங்கேற்றுதல்.
• ஜோர்டன் நதி நீர்ப் பங்கீட்டுக்காக, அதன் பிரச்சினைகளை உடனடியாக ரஷ்யாவை அணுகித் தீர்க்கச் சொல்லி, ஜப்பானில் ஜப்பானை நிர்ப்பந்தித்து ஆஸ்ட்ரேலியாவின் பெர்த் நகரின் நடுத்தெருவில் உட்கார்ந்து கொண்டு திராவிடத் தமிழ்ப் பெருச்சாளிகளைச் சாப்பிடும் போராட்டம்.
• தமிழக விவசாயிகளின் பிரச்சினையைக் கண்டுகொள்ளாமல் வாளாவிருக்கும் ஸவூதி அரேபிய அரசைக் கண்டித்து மக்காவில் மக்காச்சோளக் கதிர்களை வாயில் கவ்விக்கொண்டு மக்குத்தனமாக நடனமாடுதல். அல் அன்ஃபல் அய்யாஹ்க்கண்ணுஹ் கும்பல்ஹ்.
• தமிழக விவசாயிகளுக்கு நிதி ஒதுக்காத அரவிந்த்கெஜ்ரிவாலறிவருக்கு, அவர் கட்சியின் சின்னத்தாலேயே செல்லமாகத் தடவிக்கொடுக்கும் போராட்டம்
• ரோஹின்ங்கயா முஸ்லீம்கள் பர்மாவில் ஜிஹாத் வாதம் செய்ததால் அவர்களுக்குப் பிரச்சினை வந்தபோது கஷ்மீர் இஸ்லாமிய தீவிரவாதிகள் அவர்களுக்கு அடைக்கலம் தருவதுபோல தமிழக விவசாயிகளும் கஷ்மீரில் ஸெட்டில் செய்யப் படவேண்டும் என ஜவாஹிருல்லாவிடம் கோரிக்கை வைக்க ராஜபக்ஷவைக் கழுவிலேற்றவேண்டும் எனப் போராடல்
• ஹெலிகாப்டர் ஒன்றை ஒரு வாரத்துக்கு வாடகைக்கு (உபயம்: கவிதாயினி கனிமொழி – அவர் சொத்தில் 0.00000000000000001 சதவீதம் செலவில்) எடுத்து அதிலிருந்து நிர்வாணமாகத் தொங்கிக்கொண்டு தில்லியைச் சுற்றிச் சுற்றி வருவது.
• அமெரிக்க கௌபாய் தொப்பியை அணிந்துகொண்டு (நம்மூர் நடிகர் ஜெய்ஷங்கர் அவர்களைப் போல) – அதாவது அதை மட்டும் அணிந்துகொண்டு, குதிரை மேல் ஆரோகணித்து பின் அவரோகணிக்கமாட்டவே மாட்டேன் எனப் பிடிவாதம் பிடித்து தில்லித் தெருக்களில் டிங்டாங்கென்று (அது நசுங்காமல்) வளையவந்து போராட்டம்.
• பக்கத்து கேலக்ஸியில் இருந்து பறக்கும் தட்டில் பையப் பையப் பறந்து வரும் ஜந்துக்களிடம் தமிழக விவசாயிகளின் பிரச்சினையைத் தீர்க்க கோரிக்கை வைக்கும் தவம் – சாப்பிடும் வட்டத்தட்டில் ஒற்றைக்காலில் பாதி கோமணத்துடன் நின்று வாயில் சீரகச்சம்பா அரிசிச் சோற்றைப் பிண்டம்போல அடைத்துக்கொண்டு —  சம்பா சிவசிவ சாம்பார் சிவசிவ.
• அவர்களது ஒவ்வொரு விவசாயப் பெரும்தொப்பையிலும் ட்ராக்டர்களை வைத்து உழுது குறைந்த பட்சம் அரை ஏக்கரா விஸ்தீரணத்துக்குப் பயிரிடுதல்.

நன்றி. ஏதோ என்னால் ஆன உபகாரம்.